Worth, Worthwile, Worthy ဘယ်လိုအသုံးကွာကြသလဲ (ဒေါက်တာစိုးသန်း)

Worth, Worthwile, Worthy ဘယ်လိုအသုံးကွာကြသလဲ

စာသင်ရင်းနဲ့ သတိပြုမိတာ ကျာင်းသားကြီးတွေတချို့တောင် worth, worthwhile နဲ့ worthy စသည့် adjectives တွေကို မှန်အောင်မသုံးနိုင်တာတွေ့ရတယ်။ တချို့ကလည်း ဒီစကားလုံးတွေကို synonyms တွေလို့ အထင်မှားနေကြပုံရတယ်။ Dictionary သေသေချာချာမကြည့်ဘဲ ခပ်ပေါ့ပေါ့မှတ်တတ်ကြတဲ့ အကျင့်ကြောင့်ဖြစ်မှာပါ။ ဒီစကားလုံးလေးတွေဟာ အသုံးများလို့ ခဏခဏတွေ့နေရမဲ့ စကားလုံးလေးတွေ။ သူတို့ရဲ့ အသုံးလေးတွေကို မှန်ကန်စွာသိကြစေချင်လို့ နမူနာဝါကျပေါင်းများစွာနဲ့ ဒီPostမှာ ရှင်းပြပါ့မယ်။

1. worth, 2. worthwhile နဲ့ 3. worthy ဆိုပြီး အမှတ်စဉ်နဲ့ တင်ပြပါ့မယ်။

1. Worth

worth ဟာ Adjective ဆိုရင် - အဖိုးမည်မျှထိုက်တန်သော၊ ကြွယ်ဝချမ်းသာသော လို့ အဓိပ္ပါယ်နှစ်မျိုးရှိတယ်။

worth ဟာ Noun ဆိုရင် - တန်ဖိုး၊ အဖိုးငွေပမာဏ။

worthless (Adjective) ကတော့ သုံးမရသော၊ အသုံးမကျသော

ကဲ ... နမူနာဝါကျလေးတွေဖတ်ပါ၊ မှတ်ပါ။

📍This condo is worth 9 million Kyats.

ဒီကွန်ဒိုဟာ ကျပ်၉သန်းတန်တယ်။

📍How much is this car worth?

ဒီကားဟာ ဘယ်လောက်တန်သလဲ။

📍Any painting by Sayagyi U Ba Kyi is worth a fortune.

ဆရာကြီး ဦးဘကြည်ရဲ့လက်ရာ ဘယ်ပန်းချီကားမဆို အဖိုးအနဂ္ဃ ထိုက်တန်ပါတယ်။

📍Narcotic drugs worth 10 million Kyats was seized.

ကျပ်ဆယ်သန်းတန်ဖိုးရှိတဲ့ မူးယစ်ဆေးတွေကို ဖမ်းမိတယ်။

📍He must be worth at least 500 million Kyats, taking into consideration all his assets.

သူပိုင်သမျှဥစ္စာပစ္စည်းတွေကိုပါထည့်တွက်ရင် သူဟာ အနည်းဆုံး ကျပ်သန်း၅၀၀တော့ချမ်းသာလောက်တယ်။ (ဒီဝါကျမှာတော့ worth ကို လူပုဂ္ဂိုလ်နဲ့တွဲသုံးတော့ ချမ်းသာကြွယ်ဝတယ်လို့ ဘာသာပြန်ရပါတယ်။)

နောက် ထပ်မှတ်ရမဲ့ အသုံးလေးက "be worth it" တန်ပါတယ်တဲ့။ အရမ်းအသုံးများပါတယ်။

📍This new hotel room costs only 30,000 Kyats, which is well worth it for its size and cleanliness.

အခန်းလည်းကျယ် သန့်လည်းသန့်ဆိုတော့ ဒီဟိုတယ်အသစ်ရဲ့အခန်း ကျပ်သုံးသောင်းပဲကျတာ အရမ်းတန်တာပေါ့။

📍Climbing up to the top of the mountain was quite tiring, but it was worth it for the view from the top.

တောင်ထိပ်ပေါ်အထိတက်ရတာ တော်တော်လေးပင်ပန်းတယ်ဆိုပေမဲ့ တောင်ထိပ်ပေါ်ကကြည့်ရတဲ့ရှုခင်းကြောင့် ပင်ပန်းရကျိုးနပ်ပါတယ်။

📍Don't tire yourself out, man, it's not worth it.

ကိုယ့်ကိုယ်ကိုယ် ဒီလောက်ကြီးအပင်ပန်းမခံပါနဲ့ကွာ၊ မတန်ပါဘူး။

📍Gorget your ex-boyfriend. He's not just worth it!

နင့်ရည်းစားဟောင်းကို မေ့လိုက်ပါတော့။ သူ့ကို သတိရနေရလောက်အောင် မတန်ပါဘူး။

worth ကိုနောက်သုံးပုံတစ်ခုက အရေးကြီးလွန်းလို့ လုပ်သင့်တယ်၊ ဂရုစိုက်သင့်တယ်တဲ့။ နမူနာဝါကျ နှစ်ခုထပ်ကြည့်ပါ။

📍I think this case is worth your careful consideation.

ဒီကိစ္စကို မင်းသေသေချာချာစဉ်းစားသင့်တယ်လို့ ထင်တယ်။

📍When you are in Yangon, Inya Lake is worth a visit.

မင်းရန်ကုန်ရောက်ရင် အင်းယားကန်ကို သွားလည်ဖြစ်အောင်လည်ပါ။

Worth ကိုနောက်ထပ် အသုံးများတဲ့ ပုံစံတစ်ခုကတော့ "worth + Ving"ပါ။ အရေးကြီးလို့ လုပ်သင့်လုပ်ထိုက်သော လို့အဓိပ္ပါယ်ရပါတယ်။ နမူနာဝါကျ သုံးကြောင်း ဖတ်ကြည့်ပါ။

📍There is nothing worth watching on TV tonight.

TVမှာ ဒီညကြည့်စရာကောင်းတာ ဘာမှမရှိဘူး။

📍If you are planning to travel abroad, it is worth having a credit card.

မင်းနိုင်ငံခြားခရီးထွက်ဖို့စီစဉ်နေတယ်ဆိုရင် အကြွေးဝယ်စနစ်ကဒ်လေးတော့ ရှိထားရင်ကောင်းတယ်။

📍It's worth mentioning that this government has been in office only for three years.

ဒီအစိုးရအုပ်ချုပ်တာ သုံးနှစ်သာရှိသေးကြောင်းကိုလည်း ဖော်ပြသင့်/ပြောသင့်ပါတယ်။

ကဲ အခုနောက်ဆုံး worth နဲ့ပတ်သက်တဲ့ Idioms လေးတချို့ထပ်မှတ်ကြစို့။

- be worth your/its weight in gold= အလွန်အသုံးဝင်သော၊ အသုံးကျသော

📍This grammar book is worth its weight in gold - it explains everything with very clear examples.

ဒီ သဒ္ဒါစာအုပ်ဟာ အရမ်းအသုံးဝင်တယ်၊ အားလုံးကို နမူနာတွေနဲ့ ရှင်းပြထားတယ်။

📍A teacher like him is worth his weight in gold to the students.

သူလိုဆရာမျိုးကတော့ ကျောင်းသားတွေအတွက် အလွန်အဖိုးတန်လှပါတယ်။

📍If a thing is worth doing, it's worth doing well.

ကိစ္စတစ်ခုကိုလုပ်မယ်ဆိုရင်လည်း ဖြစ်ဖြစ်မြောက်မြောက်လုပ်ပါ။ (ဒါကတော့ ဆိုရိုးစကားပါ။)

- get your money's worth (noun)= ပေးထားသည့်ငွေနှင့် တန်အောင်ပြန်ယူသည်

📍He tried to get his money's worth from the Skynet by keeping the TV on the whole day.

သူဟာ Skynet ဖိုးသွင်းထားရတာ တန်အောင်ဆိုပြီး TVကို တစ်နေ့လုံးဖွင့်ထားတယ်။ (သူပဲ မအေးနှစ်ခါနာတာ သိပုံမရရှာဘူး -:)

- worth every penny= ငွေကုန်ရကျိုးနပ်သော

📍Dining at that restaurant was pretty expensive, but it was worth every penny.

အဲဒီစားသောက်ဆိုင်မှာ ညစာစားတာ ဈေးတော်တော်ကြီးတယ်၊ ဒါပေမဲ့ ကုန်ရကျိုးနပ်ပါတယ်။

---------------------------------------------------------------------------------------

2. worthwhile (Adjective)= လုပ်သင့်လုပ်ထိုက်သော၊ အကျိုးရှိသော၊

📍Teaching is a worthwihle career.

စာသင်ပေးတဲ့အလုပ်ဟာ အကျိုးရှိတဲ့ အသက်မွေးမှုပါ။

📍It's not a worthwhile use of your time.

ဒါကတော့ မင်းရဲ့အချိန်ကို အဓိပ္ပါယ်ရှိအောင်သုံးတာမဟုတ်ဘူး (အချိန်ဖြုန်းတာ)။

📍It's not worthwhile for me to wait any longer. She may never turn up.

ငါတော့ ထပ် မစောင့်သင့်တော့ပါဘူး။ သူ လာမှာလည်းမဟုတ်ဘူး။

📍We are a small family. It's not worthwhile for us to have two cars.

ငါတို့မိသားစုက လူနည်းနည်းလေးရှိတာ။ ကား ၂စီးရှိဖို့ မလိုပါဘူး။

📍If you want people to work for you, you also need to make it financially worthwhile for them.

လူတွေက မင်းအတွက် အလုပ်လုပ်စေချင်တယ်ဆိုရင် သူတို့အတွက် ငွေရေးကြေးရေးအရ ကိုက်အောင်လည်း မင်းက ဖန်တီးပေးရမှာပေါ့။

---------------------------------------------------------------------------------

3. worthy (Adjective)= (deserving respect, admiration or support) လေးစားထိုက်သော၊ လျှော်ကန်သော၊ သင့်မြတ်သော၊ ထိုက်တန်သော

📍My parents made a large donation to a worthy cause.

ငါ့ရဲ့မိဘတွေဟာ လှုသင့်လှုထိုက်တဲ့အကြောင်းကိစ္စအတွက် ငွေတွေအများကြီးလှုလိုက်တယ်။

(worthy cause ဆိုတာ လူအိုရုံတို့၊ မိဘမဲ့ကလေးများရိပ်သာတို့ စသည်ဖြင့် တကယ်လိုအပ်နေလို့ လှုသင့်လှုထိုက်တဲ့ ကိစ္စမျိုး)

📍I'm delighted that my daughter is going into teaching. It's a very worthy profession.

သမီးက ကျောင်းဆရာမ လုပ်မယ်ဆိုလို့ ငါပျော်လိုက်တာ။ အလွန်လေးစားထိုက်တဲ့ သက်မွေးဝမ်းကြောင်းအလုပ်ပဲ။

worthy of attention, notice, respect, etc.

📍I think this matter is worthy of your immediate attention.

ဒီကိစ္စကို မင်းချက်ခြင်းအလေးပေးလုပ်ဆောင်သင့်တယ်လို့ ငါထင်တယ်။

📍The teacher's dedication to her work is worthy of respect.

ဆရာမ သူ့အလုပ်ကို နှစ်မြှုပ်ပြီးလုပ်တာ လေးစားထိုက်ပါတယ်။

နောက်ဆုံးမှတ်စေချင်တာက worthy ကို Noun တစ်ခုရဲ့နောက်မှာကပ်ပြီး suffix လိုသုံးရင် "လောက်သော၊ ထိုက်သော"လို့ အဓိပ္ပါယ်ယူရပါတယ်။ ဥပမာ praise ချီးကြူးခြင်းရဲ့နောက်မှာ worthy ကိုထည့်လိုက်ရင် praiseworthy ဆိုတဲ့ Adjective ဖြစ်သွားတာမျိုး။ အင်္ဂလိပ်စာမှာ အသုံးများတဲ့ အဲဒီလို worthy နဲ့ဆုံးတဲ့ Adjectives လေးတွေကို အောက်မှာ စုပေးထားပါတယ်။

trustworthy= ယုံကြည်စိတ်ချရသော

📍I left a spare key to my house with a trustworthy neighbour.

ငါ့အိမ်ရဲ့ သော့အပိုကို ယုံကြည်ရတဲ့ အိမ်နီးချင်းဆီမှာပေးခဲ့တယ်။

respectworthy= လေးစားထိုက်သော

📍We have chosen some respectworthy students to represent our union.

ငါတို့ရဲ့ သမဂ္ဂကို ကိုယ်စားပြုဖို့ လေးစားလောက်တဲ့ ကျောင်းသားအချို့ကိုရွေးခဲ့တယ်။

praiseworthy= ချီးကြူးထိုက်သော

📍The progress that students have made during a short period of time is really praiseworthy.

အချိန်တိုလေးအတွင်းမှာ ကျောင်းသားတွေတိုးတက်မှုရှိတာ တကယ်ကိုချီးကြူးစရာပါပဲ။

blameworthy= အပြစ်ရှိသော၊ အပြစ်တင်ထိုက်သော

📍From his point of view, what he has done to the girl is not blameworthy.

သူ့ရဲ့ဖက်ကသုံးသပ်တာက သူ ကောင်မလေးကို လုပ်လိုက်တဲ့ ကိစ္စဟာ အပြစ်တင်စရာမဟုတ်ပါတဲ့။

creditworthy= ငွေချေးရန်အတွက် ယုံကြည်ရလောက်သော၊ ပြန်ဆပ်နိုင်မည်ဟုယူဆနိုင်သော

📍The bank refused to give him a loan as they thought he was not creditworthy.

သူဟာ ချေးငွေကို ပြန်ဆပ်နိုင်လောက်တဲ့ အစွမ်းမရှိဘူးလို့ ယူဆလို့ ဘဏ်က သူ့ကို ငွေချေးဖို့ငြင်းလိုက်တယ်။

newsworthy= အရေးပါသော၊ သတင်းဖြစ်ထိုက်သော

📍A lot of things people share on Facebook are not really newsworthy.

လူတွေ Facebook ပေါ်မှာ share နေကြတာတွေဟာ အရေးမပါတာတွေများတယ်။

noteworthy= ထူးခြား၊ အရေးကြီး မှတ်သားဖွယ်ဖြစ်သော

📍It is noteworthy that most students who did very well in the exam did not take any private tutoring.

မှတ်သားစရာက စာမေးပွဲမှာကောင်းကောင်းဖြေနိုင်ခဲ့ကြတဲ့ ကျောင်းသားအများစုဟာ ဘာကျုရှင်မှမယူထားကြတာပါ။

seaworthy= ပင်လယ်ခရီးအသုံးပြုရန် လုံခြုံသင့်တော်သော

📍The experts think such a small boat will not be seaworthy.

ဒီလိုလှေသေးသေးလေးနဲ့ ပင်လယ်ရေကြောင်းခရီးမထွက်နိုင်ဟု ကျွမ်းကျင်သူပညာရှင်များက ယူဆတယ်။

airworthy= လေကြောင်းတွင် မောင်းနှင်အသုံးပြုရန် လုံခြုံသင့်တော်သော

📍MAI has only a small number of airworthy craft. (aircraft)

မြန်မာ့လေကြောင်းမှာ ဘေးကင်းရန်ကင်းအသုံးပြုနိုင်တဲ့ လေယဉ်အနည်းငယ်ပဲရှိတယ်။

roadworthy= ကုန်းလမ်းခရီး မောင်းနှင်အသုံးပြုရန် လုံခြုံသင့်တော်သော

📍The second-hand cars imported from overseas should be carefully inspected to make sure they are roadworthy.

ပြည်ပမှတင်သွင်းလာတဲ့ တစ်ပတ်ရစ်ကားတွေကို ဘေးကင်းစွာအသုံးချနိုင်ရန် အထူးစစ်ဆေးသင့်တယ်။

cringeworthy= စိတ်ပျက်စရာ၊ မျက်နှာပူစရာ၊ အရှက်ရစရာဖြစ်သော

📍His singing at the Karaoke bar last night was cringeworthy.

မနေ့ညက သူ ကာရာအိုကေဆိုင်မှာ ဆိုတာ မျက်နှာပူစရာကြီးပါ။

ကဲ....ရေးပေးတာ တော်တော်လေးရှည်သွားပါပြီ။ အာရုံစိုက်ပြီး နမူနာဝါကျတွေကို ပြန်ဖတ်ကြည့်ပါ။ Worth, worthwhile, worthy တို့ကို အခုဆို ကွဲကွဲပြားပြားသိသွားလောက်ပါပြီနော်။

With love,

Dr.Soe Than

July 22, 2018