စကားပုံဆယ်ခု နည်းနည်းစီစုကြစို့....... (​ဒေါက်​တာစိုးသန်း)

စကားပုံဆယ်ခု နည်းနည်းစီစုကြစို့.......

အသုံးဝင်လို့ သိထားသင့်တဲ့ အင်္ဂလိပ်စကားပုံလေးတွေ တစ်နေ့ ဆယ်ခုစီလောက် ထပ်မှတ်ကြစို့။



1. "When in doubt, do nowt."

မသေချာလျှင် ဘာမှမလုပ်နဲ့။



ဒီစကားပုံမှာ nowt ဆိုတာ nought နဲ့ အဓိပ္ပါယ်တူ dialect ဒေသိယစကား။ doubt နဲ့ ကာရံမိအောင် nowt ကိုသုံးကြတာပါ။ nought = nothing

When in doubt, do nothing. လို့ဆိုတာပေါ့။



2. "Dreams go by contraries."

အိပ်မက်ဆိုတာ ပြောင်းပြန်အဓိပ္ပါယ်ကောက်ရတယ်။



ဒါကြောင့်လည်း " Dream of a funeral and you hear of a marriage." ဆိုတဲ့ နောက်စကားပုံတစ်ခုရှိသေးတာပေါ့။ အသုဘကို အိပ်မက်မက်ရင် မင်္ဂလာဆောင်တဲ့သတင်း ကြားရတတ်တယ်တဲ့။



3. "Cut your coat according to your cloth."

သူ့အိုးနဲ့ သူ့ဆံ သင့်ရုံပါမှ။

သူ့အိုးနဲ့ သူ့ဆံ တန်ရုံလုပ်။

(cloth ဟာ အဝတ်စ၊ ပိတ်စ၊ ကိုယ့်မှာရှိတဲ့ ပိတ်စနဲ့ လောက်ငှရုံသာ ကုတ်အင်္ကျီချုပ်ဖို့ ညှပ်ပါတဲ့။ လုပ်ချင်တာတွေများပြီး လောဘကြီးပြီး အလှမ်းကျယ် အလယ်လပ်မှာစိုးလို့ သတိပေးတဲ့ စကားပုံ။)



4. "Think first and speak afterwards."

စကားမပြောခင် အရင်စဉ်းစားပါ။ (စဉ်းစားပြီးမှပြောပါ။)



5. "Manners maketh man."

ကိုယ်ဟန်မူရာယဉ်ကျေးသိမ်မွေ့မှ လူပီသ။

 manners ဆိုတာ good manners/polite behaviour/etiquette ကိုပြောတာ။ maketh ဟာ Old English ပါ။ make(s) နဲ့အတူတူပေါ့။



6. "The first duty of a soldier is obedience."

စစ်သားတစ်ယောက်ရဲ့ ဦးဆုံးတာဝန်ဟာ အမိန့်နာခံခြင်းပဲ။



7. "First things first."

အရေးအကြီးဆုံးကိစ္စကို အရင်ဆုံးလုပ်။



8. "Don't cry before you're hurt."

ဒဏ်ရာမရသေးခင် မငိုချင်နဲ့။

(ငိုချင်လျက် လက်တို့ဆိုသကဲ့သို့)



9. "Imitation is the sincerest form of flattery."

ကိုယ်တော်လွန်းလို့သာ လိုက်တုပကြတာ။



imitate ဟာ တုပသည်၊ ပုံတူလိုက်ကူးချသည်။ imitation ဟာ တုပခြင်း။ flattery ဟာ မြှောက်လုံးပင့်လုံး၊ အလွန်ချီးကျုးတာ။ ကိုယ်တော်လွန်း ကောင်းလွန်းလို့သာ သူများတွေက လိုက်တုပကြတာ၊ အတုယူကြတာ၊ ကိုယ်တော်လို့ ချီးကျုးခံရသလိုသဘောထားပါဆိုတဲ့ အကောင်းမြင်စကားပုံလေးပါ။



10. "Ill gotten goods never thrive."

မတရားရထားတဲ့ပစ္စည်းများနဲ့ ဘယ်တော့မှ မကြီးပွားပါ။



With love,

Dr.Soe Than

August 21, 2018