အတွေးနဲ့အရေး (၁) Weekly Writing Practice (KEYS) (​ဒေါက်​တာစိုးသန်း)

အတွေးနဲ့အရေး (၁) Weekly Writing Practice (KEYS)

မနေ့က လေ့ကျင့်ဖို့ပေးထားတဲ့ ဝါကျဆယ်ကြောင်းအတွက် အဖြေတွေတင်ပေးလိုက်ပါတယ်။ ပေးထားတဲ့ မှတ်စု notes လေးတွေ၊ ရှင်းလင်းချက်တွေကိုလည်း သေချာစွာဖတ်ကြည့်ကြပါ။

1. ဒေသရှိ အပင်များနှင့်တိရစ္ဆာန်များကို စူးစမ်းလေ့လာရန် သူတို့သည် ခရီးကြမ်းထွက်ခဲ့ကြသည်။
They set out on an expedition to explore the local flora and fauna.
ဒီဝါကျမှာ မှတ်ရမှာတွေ
ခရီးရိုးရိုးထွက်တာကတော့ To go on a journey / To go on a trip ဆိုပြီး journey နဲ့ trip (noun) ကိုသုံးတယ်။
ခရီးကြမ်းထွက်တာဆို expedition (noun) ကိုသုံးရတယ်။
To go on an expedition
To set out on an expedition ဆိုပြီး အတွဲလိုက်သုံးနိုင်အောင်မှတ်ပါ။
တောတွေတောင်တွေထဲ ခြေလျှင်ခရီး၊ ခြေလျှင်တောင်တက်ခရီးကြမ်းကို trek (noun) လို့လည်းခေါ်တယ်။ ဝါကျထဲမှာ go trekking လို့သုံးရတယ်။
They went trekking in Nepal.
သူတို့ နီပေါမှာ ခြေလျှင်တောင်တက်ခရီးထွက်ခဲ့တယ်။
လေ့လာရေးခရီးကိုတော့ excursion တို့ field trip တို့သုံးရတယ်။ ပျော်ပွဲစား (ခရီး)ကတော့ picnic ပေါ့။ သူလည်း to go on a picnic လို့ပဲသုံးတာကို collocation သိအောင်မှတ်ပါ။ ပန်းခြံထဲမှာ ကိုယ့်မိသားစုနဲ့ထိုင်ပြီးပျော်ပွဲစားတာကတော့ to have a picnic လို့သုံးပါတယ်။

နောက်ထပ်မှတ်ရမှာက ဒေသတစ်ခုမှာတွေ့ရှိရတဲ့ အပင်တွေ၊ ပန်းတွေ၊ တိရစ္ဆာန်တွေကို flora and fauna ဆိုပြီးတွဲသုံးတဲ့ စကားလုံးပါ။ trees and animals လို့မသုံးပဲ flora and fauna ဆိုတဲ့အဆင်သင့်ရှိပြီးသား အဆင့်ရှိတဲ့အသုံးကိုမှတ်စေချင်တာပါ။

2. ငါတို့ရဲ့ ကုန်ပစ္စည်းအသစ်အတွက် ဈေးကွက်ရှိတယ် (ဝယ်မဲ့သူတွေရှိတယ်) ဆိုတာ မင်းသေချာရဲ့လား။
Are you sure there is a market for our new product?
market ဟာ ဒီဝါကျမှာ ဈေးကိုပြောတာမဟုတ်။ ဝယ်လက်ရှိတာ၊ ဝယ်ဖို့စိတ်ဝင်စားတဲ့ဖေါက်သည်တွေရှိတာ There are potential/interested customers who want to buy the product ဆိုတဲ့အဓိပ္ပါယ်ပါ။
There is no market for this kind of product. ဆိုရင်တော့ ဒီလိုပစ္စည်းမျိုး ဝယ်မဲ့သူ ဈေးကွက်မရှိဘူးပေါ့။

3. သစ်သီးနဲ့ ဟင်းသီးဟင်းရွက်တွေဟာ စူပါမားကတ်မှာထက် ဈေးမှာ ပိုလတ်ဆတ်တယ်။
Fruit and vegetables are much fresher at the market than in the supermarket.

4. ပညာမတတ် အလုပ်မရှိဆိုတော့ တစ်နေ့စားစရာလေးရဖို့ သူ အလုပ် ပင်ပန်းစွာလုပ်ရတယ်။
Uneducated and unemployed, he has to work hard to earn his daily bread.

"ပညာမတတ် အလုပ်မရှိဆိုတော့"ကို As he is uneducated and unemployed လို့စရေးရင်လည်းရပေမဲ့ Past Participle phrase သုံးပြီး Uneducated and unemployed, ဆိုပြီးကျစ်လစ်အောင်ရေးထားတယ်။ တစ်နေ့စားလောက်ရုံအစာကို daily bread လို့သုံးထားတယ်။

5. ငါ့အမေဟာ ပစ္စည်းတွေရဲ့တန်ရာတန်ကြေးသိပြီး ဈေးကြီးတာတွေ မဝယ်ဘူး။
My mother is price-conscious.

ဒီဝါကျကို My mother knows the cost/value of things/everything and she does not buy expensive things. ဆိုပြီး ပေးထားတဲ့ဝါကျအတိုင်း အရှည်ကြီးရေးလို့ရပေမဲ့ အင်္ဂလိပ်စာမှာ price-conscious ဆိုတဲ့ အဲဒီအဓိပ္ပါယ်အတိုင်း ကျစ်လစ်တဲ့ adjective ရှိသေးတာကို သိစေချင်လို့ My mother is price-conscious. လို့ တိုတိုပဲရေးပြလိုက်တာ။

6. မင်းဟာ အင်္ဂလိပ်စာ သဒ္ဒါတော်တော်သိတာပဲ။
Your knowledge of English grammar is very extensive.

ဒီဝါကျကို ရိုးရိုးလေး You know English grammar very well. သို့မဟုတ် Your English grammar is quite good/strong. စသည်ဖြင့်ရေးလို့ရတာပဲ။ သို့သော် extensive knowledge ဆိုတဲ့ အသုံးလေးကိုလည်း သိထားရမယ်။ knowledge of ..... is very extensive လို့အတွဲလိုက်မှတ်ပြီး subject ကိုအမျိုးမျိုးပြောင်းကာ ဝါကျအသစ်တွေရေးနိုင် ပြောနိုင်အောင်လေ့ကျင့်ပါ။

Your knowledge of English poetry is quite extensive.
မင်း အင်္ဂလိပ်ကဗျာတွေအကြောင်း တော်တော်သိတာပဲ။
My brother's knowledge of World History is very extensive.
ငါ့အကိုဟာ ကမ္ဘာ့သမိုင်းကို တော်တော်လေးသိတယ်။

သိပ်မသိဘူး၊ နည်းနည်းလေးသိတာပါ ဆိုရင်တော့ to have a limited knowledge of something လို့သုံးပါ။
He has a limited knowledge of English grammar.
သူ အင်္ဂလိပ်သဒ္ဒါ သိပ်မတတ်ပါဘူး။

7. မင်းဟာ ကွန်ပြူတာအကြောင်း ကြောက်ဖွယ်ကောင်းလောက်အောင်သိတာပဲ။
Your knowledge of computers is quite awe-inspiring.

computer မှာ s ပါတာသတိပြုပါ။ your knowledge of computer မဟုတ်။ your knowledge of computers ပါ။
awe-inspiring (adjective)= လေးစားလောက်သော၊ ဖြုံချင်စရာကောင်းလောက်အောင်တော်သော၊ တတ်သော၊ ကောင်းသော

8. သူ့ရဲ့ အမည်ရင်းက ဘိုဘိုပါ၊ ဒါပေမဲ့ သူတို့က သူ့ကို ဘပု လို့ပဲအမြဲခေါ်ကြတယ်။
His real name is Bo Bo, but they have always called him Ba Pu.

အမည်ရင်းကို real name သို့မဟုတ် given name သုံးလို့ရတယ်။

9. သူ့ရဲ့ ဝတ္ထုအသစ်နာမည် ဘယ်လိုခေါ်သလဲ။
What is his new novel called?
ဒါကို What is the name/title of his new novel? ဆိုလည်း ရတာပဲ။

10. ဖောက်သည်တွေရဲ့တိုင်ကြားချက်တွေကို ဆွေးနွေးဖို့ မန်နေဂျာက ဒီအစည်းအဝေးကိုခေါ်တာ။
The manager has called this meeting to discuss customer complaints.

ရာထူးရှိသူ အထက်လူကြီးက အစည်းအဝေးခေါ်ရင် to call a meeting
အစည်းအဝေးခေါ်ပေးပါလို့ ကိုယ်ကတောင်းဆိုရင် to call for a meeting။ မတူတာကို သတိထားပါ။

discuss ဆွေးနွေးသည်ကို verb လိုသုံးရင် နောက်ကနေ discuss about ဆိုပြီး about ကိုမထည့်ရပါ။ discussion (noun) လိုသုံးမှ discussion about လို့သုံးနိုင်ပါတယ်။
We discussed our new plans. (verb လိုသုံးတာ၊ about မပါ)
We had a long discussion about our new plans. (noun လိုသုံးတော့ about ပါတယ်)

English writing skills တိုးတက်ကြပါစေ။
With love,
Dr. Soe Than
August 20, 2018