လေ့လာမိသောအင်္ဂလိပ်သဒ္ဒါအပိုင်းအစများ (၂၈) (HZH)

 လေ့လာမိသောအင်္ဂလိပ်သဒ္ဒါအပိုင်းအစများ (၂၈)

Try, go on + Vinfinitive VS Try, go on + Gerund

✏ try ရဲ့နောက်မှာ Gerund (-ing form) သုံးမယ် ဆိုရင်တော့ experiment with ဆိုတဲ့ အဓိပ္ပါယ်ပါ၊ တစ်ခုခုကို စမ်းပြီးလုပ်ကြည့်တယ်ပေါ့၊ တစ်ခုခုဟာ ကိုယ့်အတွက် အလုပ်ဖြစ်/မဖြစ်၊ အကျိုးရှိ/မရှိ စမ်းလုပ် ကြည့်တယ် ဆိုတဲ့ သဘောပါ။

✏ try ရဲ့နောက်မှာ to infinitive သုံးရင်တော့ attempt to လို့ အဓိပ္ပါယ်ရပြီး၊ လုပ်ဖို့ကြိုးစားတယ် လို့ အဓိပ္ပါယ်ရပါတယ်၊ တစ်ခုခုကို ကြိုးစားလုပ်တယ် မအောင်မြင်ခဲ့ဘူး၊ တစ်ခုခုကို ကြိုးစားလုပ်လည်း အောင်မြင်မှာ မဟုတ်ဘူး စတဲ့အဓိပ္ပါယ်တွေနဲ့ သုံးပါတယ်။
နှိုင်းယှဉ်ကြည့်စို့၊

(1) It was too hot in the room. I tried opening the window. It didn't help though, because it was very hot outside too.
အခန်းထဲမှာတအားပူတယ်၊ ကျွန်တော် ပြတင်းပေါက် စမ်းဖွင့်ကြည့်လိုက်တယ်၊ အလုပ်မဖြစ်ပါဘူး၊ အပြင်ဘက်ကိုက တအားပူနေတာကိုး။

(2) I tried to open the window but I couldn't because it was stuck.
ကျွန်တော် ပြတင်းပေါက်ဖွင့်ဖို့ ကြိုးစားတယ်၊ ဒါပေမယ့် မဖွင့်နိုင်ဘူး၊ ပြတင်းပေါက်က ကျပ်နေတာ။

go on ရဲ့နောက်မှာ gerund သုံးရတာက 'လူတစ်ယောက်ဟာ တူညီတဲ့လုပ်ငန်းတစ်ခုခုကို (မပြောင်းမလဲ) ဆက်လက် လုပ်တဲ့အခါမှာ' သုံးရပါတယ်။

E.g Saya U Ba Aye went on teaching well after normal retirement age.
ဆရာဦးဘအေးက ပုံမှန်အနားယူရမယ့် အရွယ်ပြီးတဲ့နောက်ကို ကောင်းကောင်း စာသင်နေခဲ့သေးတာ။
* စာသင်တဲ့အလုပ်ကိုပဲ ဆက်လုပ်နေတာပါ။😊

📝go on ရဲ့နောက်မှာ to infinitive သုံးရတာက 'လူတစ်ယောက်ဟာ ယခင်လုပ်နေတဲ့ အလုပ်နဲ့မတူတဲ့ တခြားလုပ်ငန်းတခုကို ပြောင်းလဲလုပ်ကိုင်တဲ့အခါ' သုံးရတာပါ။

E.g After he had retired from teaching, Saya U Ba Aye went on to write books.
စာသင်တာကနေ အနားယူပြီးတဲ့နောက် ဆရာဦးဘအေးက စာအုပ်တွေ စာရေးနေခဲ့တာ။
*လုပ်ငန်းက မတူတော့ဘူးနော်

Apply them.

Thx

HZH

Ref:

English Grammar in Use by Raymond Murphy